भविष्यका योजना
पर्वत अस्पताललाई आधुनिक उपचार लायक अस्पताल बनाउने सन्दर्भमा निम्न अनुसार भावी योजना तय गरिएको छ ।
- मृगौला डायलाइसिस सेवा तथा आई.सि.यू.सेवालाई विश्वसनिय र गुणस्तरिय बनाउने
- अस्पताल प्रयोजनका लागि अलग्गै विद्युत ट्रान्सफरमर राख्ने व्यवस्था मिलाउने (हाल अस्पतालको जग्गामा भएको २०० के.भि.ए. को ट्रान्सफरमरबाट बजारलाई समेत विद्युत आपूर्ति गरिएका कारण विद्युत अप-डाउन हुने गरेको हुँदा अस्पतालका मेडिकल उपकरण तथा औजारहरु विग्रिने समस्या परिरहेको छ ।)
- आँखाको अपरेशन सेवा सञ्चालन गर्ने र यसका लागि नेत्र ज्योति संघसँग सहकार्य गरि आँखा उपचार कक्ष भवन निर्माण गर्ने
- अस्पतालमा २४ सै घण्टा नै सुचारु हुने गरि खानेपानि धारा व्यवस्थापन गरि पानिको दिर्घकालिन समाधान गर्ने
- नागरिक तहबाट नागरिक सहयोग समिति गठन गरि अस्पताल र नागरिकको सम्बन्ध सुमधुर बनाउने, अस्पताल सुधारका लागि विभिन्न सहयोग जुटाउन पहल गर्ने
- विभिन्न राष्ट्रिय अन्तराष्ट्रिय संघ संस्थाहरुसँग सहकार्य गरि अत्याधुनिक उपकरण प्रवन्ध गर्ने तथा सेवा विस्तार गर्ने
- विशेषज्ञ डाक्टर सहित ५० वेडको दरवन्दी व्यवस्थाका लागि पहल गर्ने
- अस्पतालको सरसफाई तथा सुरक्षाका लागि निजि संस्थासँग सहकार्य गरिने
- अपरेशन सेवालाई थप प्रभावकारी बनाउने, उपकरण थप गर्ने
- एकद्धार संकट व्यवस्थापन केन्द्रलाई थप प्रभावकारी बनाउने र यसको सेवा सम्बन्धमा प्रचार प्रसार गर्ने
- सामाजिक सेवा ईकाईलाई प्रभावकारी रुपमा सञ्चालन गरि गरिव, वृद्ध तथा असहायहरुलाई सहायता गर्ने
- घरेलु हिंसा, दुर्व्यववहार तथा यौनजन्य हिंसामा परेका महिला तथा बालबालिकाहरुका लागि व्यवस्था गरिएको एकद्धार संकट व्यवस्थापन केन्द्र (One Stop Crisis Management Center) लाई थप व्यवस्थित गर्ने